- Un campamento, de balde, que se desenvolverá os días 30 e 31 de marzo e o 1 e o 6 de abril.
Soutomaior, 30 de marzo. Esta mañá o alcalde, Manu Lourenzo, deulles a benvida ás pequenas e pequenos que durante estes días de vacacións desfrutan do Espazo Concilia de Semana Santa que, a través Concello de Soutomaior, consciente da importancia de promover axudas ás familias para conciliar a vida laboral pon en marcha, un ano máis, a través da concellería de Igualdade.
Un espazo dirixido a crianzas de entre 3 a 16 anos. O horario deste servizo é dende ás 9:00 ata ás 14:00 h. coa posibilidade da aula matinal de 8:00 a 9:00 h., para aquelas persoas que así o soliciten, e aula de mediodía con amplitude de horario ata ás 15:00h. O que significa que este espazo conta con 4 horarios diferentes para que as familias podan optar ao que máis facilidades lles dea neste tempo de descanso das crianzas. Tería o horario de 8:00 a 14:00h, de 9:00 a 14:00h., de 8:00 a 15:00h. ou de 9:00 a 15:00h.
O campamento é de balde para todas as familias, trátase dunha medida do concello de Soutomaior ao abeiro do Plan Corresponsables. As prazas adxudicadas a 50 crianzas foron por orde de inscrición atendendo á prioridade de persoas con criterios de vulnerabilidade.
Dentro do horario do programa intercalaranse actividades lúdicas, educativas, deportivas, xogos e obradoiros, actividades ao aire libre sempre que o tempo o permita, coma hoxe que estiveron desfrutando de actividades ao aire libre na área de lecer do Peirao, e sempre traballando baixo a perspectiva de xénero dunha maneira dinámica e participativa.
